spjallid.is

Góðan daginn.

Ég spyr hér, þar sem ég er ekki viss, en mig vantar að vita hvort móðurborðið mitt styðji örgjörva sem ég áskotnaðist.
Móðurborðið er komið til ára sinna, en ekki er í stöðunni eins og er að fara uppfæra það eins og er..

Móðurborðið mitt er :
https://www.msi.com/Motherboard/B85M-E45/Specification

Örgjörvinn er :
https://ark.intel.com/content/www/us/en ... 0-ghz.html

Skil ég það rétt, að móðurborðið styðji bara 3rd Generation af 1150 ?
Örgjörvinn er 4th. Generation.

Undir detail stendur að móðurborðið styðji 4 kynslóðina.
Hér: https://www.cpu-upgrade.com/mb-MSI/B85M-E45.html getur séð líka hvaða örgjörva þetta móðurborð styðji. Getur notað ctrl + f og slærð inn heitið á örgjörvanum.

Annars þarftu að átta þig á að stundum þarf bios update ef örgjörvinn er mikið nýrri en móðurborðið. Þú sér support móðurborða á heimasíðu framleiðandans

Takk fyrir upplýsingarnar, báðir tveir.

Ég hef skipt um skjákort, diska og minni, en aldrei örgjörvan sjálfan.

Ef þú ert með eldri en A4 BIOS-inn, þá þarftu að öllum líkindum að uppfæra hann.

Hér er linkur á nýjasta BIOS-inn, líklega er svokallað M-Flash tól innbyggt í BIOS-inn hjá þér nú þegar, og þá þarftu einfaldlega að setja E7817IMS.A90 skránna úr zip fælnum inn á USB lykil, ræsa inn í BIOS, fara í M-Flash og fylgja ferlinu þar.
https://download.msi.com/bos_exe/mb/7817vA9.zip

Hér er linkur á móðurborð af sömu kynslóð (en aðeins "dýrara" kubbasett), líklega og vonandi er þetta svipað
https://www.youtube.com/watch?v=1Z76WuN8eTg

Var einmitt búinn að kynna mér uppfærsluna og fylgja þeim leiðbeiningum.
EN . . . . . nú er bara allt frosið. Get hvorki hreyft músina, né notað örvatakkana.
Þegar þetta er skrifað, eru komnar 20 mín.

Úffff, það er ekkert rosa töff... Varstu búinn að velja skránna þegar þetta fraus?

Já. Valdi neðri mögulegann, eins og uppsetningar leiðbeiningar sögðu. Valdi flash drifið og svo E7817IMS.A90

Þá fraus allt. 38 mín komnar núna

Siggigudmars skrifaði:Já. Valdi neðri mögulegann, eins og uppsetningar leiðbeiningar sögðu. Valdi flash drifið og svo E7817IMS.A90

Þá fraus allt. 38 mín komnar núna

Sorry, ég setti mynd í gang og gleymdi að fylgja þessu á eftir.

Hvernig er staðan?

Sælir.

Ég hafði bara kveikt á henni í nótt. Í morgun var sama staðan, þannig að ég tók smá séns. . . . .

Tók USB úr sambandi, en engin breyting.
Slökkti á tölvunni og ræsti hana svo aftur.
Fór inn í BIOS og þá sá ég að það hafði uppfærst,
svo að ég fór út úr BIOS og hún kláraði ræsinguna.
Ekkert sem ég sé athugavert.

Núna er bara að skipta um örgjörvann. (krossa fingur)

Takk fyrir allt.

Gott að heyra að borðið sé heilt og vonandi flýgur hún í gang með nýja örgjörvanum, engin smá uppfærsla m.v. þennan G3420

Nákvæmlega. Maður er búinn að vera full nægjusamur með þetta grey.

Búinn að skipta.
Næ engu sambandi við skjáina.
Búinn að prófa svissa af skjákortinu og yfir á móðurborðið.
Viftur fara í gang, vélin keyrir í 1 mín, en slekkur á sér
og ræsir sig strax aftur.

Tók bara viftuna úr sambandi og allt aftan á tölvunni.

Það gerist stundum að tölvan endurræsir sig þegar windows tekur eftir nýjum örgjörva, hefur allavega gerst hjá mér nokkur skipti.

Skil það svo sem, en fæ enga svörun á skjáina.
Skiptir engu hvort ég sé með þá tengda á skjákortið
eða beint á móðurborðið

Ætti ég ekki að sjá allavega á skjáina ?

Ég veit frekar lítið með svona, en gæti kannski virkað að kveikja án þess að hafa boot drive tengt? Sjérð þá kannski hvort þú komist inn í bios.

Takk. Prófa það á eftir eða í fyrramálið.

Allar tillögur vel þegnar.

Fyrsta spurning er hvort þú sért alveg viss um að BIOS hafi uppfærst?
Og hvort að það sé í lagi með örgjörvann, en þykir það reyndar líklegt, sjaldan sem Intel örgjörvar bila.

En allavega það fyrsta sem maður myndi prófa væri að resetta CMOS, yfirleitt gert með jumper á móðurborðinu.

Arrrrrg. Ætlaði að setja gamla örgjörvann í aftur,
en þá sá ég að mér hafði tekist að skekkja einn pinnan í sökklinum.

Game over ?

Ef þér tekst að beygja pinnann til baka ættirðu að vera góður.
Nú er bara tími fyrir stöðuga hendi og gott tól eins og flísatöng.

Ef pinninn er ekki brotinn, þá er yfirleitt hægt að rétta þá með vandvirkni og þolinmæði

Taka bara róandi, móðurborðið undir stækkunarglerið og taka því rólega.

Náði að rétta hann við.
En engin breyting.
Farinn að hallast að því að uppfærslan hafi ekki gengið upp.
Hvað er þá til ráða?
Viðgerð ?
Nýtt móðurborð ?

Varstu búinn að prufa setja gamla örgjörvann í nokkuð? eða reseta CMOS?

Já. Var búinn að setja hann í aftur.
Ræsti hana, en allt svart.

Viðurkenni fávisku, en hvað áttu við með að 'reseta CMOS' ?

Búinn að gúggla það. Fer yfir þetta í dag