Síða 1 af 1

DAB útvörp

Sent: Mið 28. Apr 2021 17:58
af Hizzman
Ég tek eftir að græjubúðir á Íslandi eru að bjóða útvörp með DAB, (elko td)

Er verið að senda DAB eða er það á leiðinni?

Re: DAB útvörp

Sent: Mið 28. Apr 2021 18:55
af vatr9
Hef líka velt þessu fyrir mér. Þögnin um DAB á Íslandi er ærandi :)
Maður veltir því fyrir sér hvort þessi tækni sé að verða fórnarlamb netsins eins og BlueRay diskar.
Eru netsendingar ástæðan fyrir því að DAB er ekki að fá meiri útbreiðslu. Eða er engin knýjandi þörf af því að stöðvarnar eru ekki svo margar.
Svo er þetta sjálfsagt líka spurning um kostnað.
Veit svo sem ekki kostnaðarmuninn á FM sendi vs. DAB sendi.

Re: DAB útvörp

Sent: Mið 28. Apr 2021 18:59
af jonsig
Síðast þegar ég vissi var aðeins sent út rondó á DAB í tilraunaskyni

Re: DAB útvörp

Sent: Mið 28. Apr 2021 19:03
af vatr9
Gerðu það einu sinni sýnist mér en líklega hættir skv. þessari síðu.
https://www.ruv.is/i-umraedunni/slokkt- ... -reykjavik

Re: DAB útvörp

Sent: Mið 28. Apr 2021 19:31
af oliuntitled
Samblanda af því að netið á ferðinni er orðinn sjálfsagður hlutur og að færri og færri nenna að hlusta á útvarp yfir höfuð ?
Hef átt núverandi bíl í 10 ár og er með bluetooth á tækinu í bílnum, hef ekki viljand stillt á útvarpið á því í 10 ár

Re: DAB útvörp

Sent: Mið 28. Apr 2021 23:25
af appel
Ætli svona uppbygging sé ekki of dýr miðað við fólksfjöldann hér, og dreifbýlið fyrir utan höfuðborgarsvæðið.

Flestir hafa aðgang að fínu farsímaneti og geta spilað allt í gegnum netið, þannig að það er engin þörf á þessu.

Ég veðja allavega á að svona kerfi muni aldrei koma hér, og að FM kerfið verði rekið áfram óbreytt eins lengi og hægt er þar til allt færist í internet. Það er tilgangslaust að fara leggja niður FM kerfið og byggja upp DAB kerfi aðeins til að sjá 95% nota internet streymi eftir 10 ár hvortsem er.

Re: DAB útvörp

Sent: Fim 29. Apr 2021 03:53
af jonfr1900
Það var ákveðið að nota ekki DAB/DAB+ á Íslandi. Þótti of dýrt og var ákveðið að þetta væri millilausn. DAB+ er hinsvegar í notkun á hinum Norðurlöndum og því eru seld DAB+ útvörp á Íslandi.

Sjá nánar hérna (pdf, Póst og Fjarskiptastofnun). Einnig nánar hérna.

Stefan með notkun tíðnisviða á Íslandi frá 2019 til 2025 er að finna hérna (pdf, Póst og Fjarskiptastofnun)

Re: DAB útvörp

Sent: Fim 29. Apr 2021 08:25
af agust1337
Ég var einmitt að spá í þessu þegar ég keypti útvarp frá Ali í bílinn (án DAB/DAB+), það virðist ekki ná að taka tíðnina hérna og streyma því án þess að detta alltaf út

Re: DAB útvörp

Sent: Fim 29. Apr 2021 19:18
af jonfr1900
agust1337 skrifaði:Ég var einmitt að spá í þessu þegar ég keypti útvarp frá Ali í bílinn (án DAB/DAB+), það virðist ekki ná að taka tíðnina hérna og streyma því án þess að detta alltaf út


Kína virðist nota sama FM band og Íslandi (87,5 - 108,0).

Re: DAB útvörp

Sent: Fim 29. Apr 2021 20:01
af arons4
agust1337 skrifaði:Ég var einmitt að spá í þessu þegar ég keypti útvarp frá Ali í bílinn (án DAB/DAB+), það virðist ekki ná að taka tíðnina hérna og streyma því án þess að detta alltaf út

Algent í bílaútvörpum að þegar kveikt er á TA stillingunni að útvörp séu að detta út, TA er notað í stærri löndum til að útvarpa umferðaviðvörunum sem yfirtaka venjulega spilun þegar viðvaranirnar koma, sum lélegri bílaútvörp geta stundum túlkað suðið á þeirri tíðni sem viðvörun.

Re: DAB útvörp

Sent: Fim 29. Apr 2021 23:43
af thrkll
Langar að lauma einni spurningu hérna akkúrat á hinum pólnum.

Hefur einhver keypt lítið og nett langbylgjuútvarp hér á landi nýlega? Og hvernig er að hlusta á Gufuskála á því? Ég keypti helvíti gott Tecsun PL310ET tæki um daginn. Næ fullt af erlendum stöðvum á stutt- og miðbylgjunni en gengur ekkert að hlusta á gufuna.

Re: DAB útvörp

Sent: Fös 30. Apr 2021 00:09
af jonfr1900
Ég á Sony útvarp með langbylgju og það virkar vel. Sýnist að þetta útvarp sem þú notar sé að nota Bandaríska tíðniplanið fyrir langbylgjuna sem er öðruvísi en tíðniplanið fyrir langbylgjuna í Evrópu.

Re: DAB útvörp

Sent: Fös 30. Apr 2021 10:14
af agust1337
arons4 skrifaði:
agust1337 skrifaði:Ég var einmitt að spá í þessu þegar ég keypti útvarp frá Ali í bílinn (án DAB/DAB+), það virðist ekki ná að taka tíðnina hérna og streyma því án þess að detta alltaf út

Algent í bílaútvörpum að þegar kveikt er á TA stillingunni að útvörp séu að detta út, TA er notað í stærri löndum til að útvarpa umferðaviðvörunum sem yfirtaka venjulega spilun þegar viðvaranirnar koma, sum lélegri bílaútvörp geta stundum túlkað suðið á þeirri tíðni sem viðvörun.


Takk, ætla að tjékka á þessu

Re: DAB útvörp

Sent: Fös 30. Apr 2021 13:49
af thrkll
jonfr1900 skrifaði:Ég á Sony útvarp með langbylgju og það virkar vel. Sýnist að þetta útvarp sem þú notar sé að nota Bandaríska tíðniplanið fyrir langbylgjuna sem er öðruvísi en tíðniplanið fyrir langbylgjuna í Evrópu.


Hvernig Sony tæki er það? Á þessu Tecsun tæki sem ég er með er hægt að stilla 9 khz / 10 khz tíðnibil, sem er mismunandi í Evrópu og BNA. Ertu að tala um það eða annað? Ég næ alveg að hlusta á Gufuskála en gæðin eru hrikaleg. Ég á 50 ára gamalt sovéskt transistor útvarp sem spilar langbylgjuna svona 10 sinnum betur.

Re: DAB útvörp

Sent: Fös 30. Apr 2021 13:53
af jonfr1900
thrkll skrifaði:
jonfr1900 skrifaði:Ég á Sony útvarp með langbylgju og það virkar vel. Sýnist að þetta útvarp sem þú notar sé að nota Bandaríska tíðniplanið fyrir langbylgjuna sem er öðruvísi en tíðniplanið fyrir langbylgjuna í Evrópu.


Hvernig Sony tæki er það? Á þessu Tecsun tæki sem ég er með er hægt að stilla 9 khz / 10 khz tíðnibil, sem er mismunandi í Evrópu og BNA. Ertu að tala um það eða annað? Ég næ alveg að hlusta á Gufuskála en gæðin eru hrikaleg. Ég á 50 ára gamalt sovéskt transistor útvarp sem spilar langbylgjuna svona 10 sinnum betur.


Þetta hérna tæki sem Sony framleiðir ekki lengur.

Sony ICF-SW11 12-band World Band Radio (Amazon)

Re: DAB útvörp

Sent: Mán 03. Maí 2021 10:19
af JReykdal
Ekki vera að eyða tíma í Langbylgjuna. Hún er á útleið (ef hún er ekki þegar farin).

Re: DAB útvörp

Sent: Mán 03. Maí 2021 11:40
af thrkll
JReykdal skrifaði:Ekki vera að eyða tíma í Langbylgjuna. Hún er á útleið (ef hún er ekki þegar farin).


Held að það sleppi alveg að eyða tíma í langbylgjuna, miðað við þá botnlausu vitleysu sem ég eyði tíma mínum í. :face

RÚV rekur tvö langbylgjumöstur á Gufuskálum og Eiðum en rekstur langbylgjunnar er hluti af öryggishlutverki RÚV í almannavörnum.

Það hefur mikið verið skoðað hvað gæti komið í stað langbylgjunnar síðastliðin ár en það er engin augljós lausn. Með tilliti til neyðarstjórnunar er ekki hægt að tryggja upplýsingagjöf til almennings með ljósleiðara/4G/GSM né með FM/DAB. Skammdrægar útvarpsútsendingar ná ekki að dekka landið og hvað þá miðin. Ljósleiðari og framlenging hans í 4G kerfinu byggja á of mörgum veikum hlekkjum til að hægt sé að treysta á kerfið.

Eftir óveðrið í des 2019 virðast þessi mál aðeins hafa komist upp á borð. Algjört fjarskiptaleysi varð mjög víða og allt í köku.