spjallid.is

Jæja nú er ég búinn að vera með Viewsonic 28" skjáinn minn síðan ég keypti hann í Tölvutækni 2008 á 80þ kr hefur virkilega gert góða hluti og var með þeim fyrstu "risa" tölvuskjám á þeim tíma og virkar en fyrir utan eh vesen með Trun ON/OFF takkan

Ég get ekki ákveðið mig þannig ég ætla leyfa ykkur sannfæra mig!

Ætti ég að fara niður í 24'' ódýran en góðan frá BenQ
http://www.start.is/index.php?route=pro ... duct_id=52

eða 24" 144Hz er það þess virði? http://www.start.is/index.php?route=pro ... uct_id=696

Eða þá að halda mig við svipaða stærð? 27" Er það sama og með símana? ''ONCE you go Big you aint going back?"

ódýr? http://tolvutek.is/vara/benq-gw2760hm-2 ... ar-svartur

dýrari? http://www.start.is/index.php?route=pro ... uct_id=816

Svo er spurninginn að kaupa bara 2x 24" BenQ, langar svoldið að vera með dual, já ég tek mín leikja tímabil en ekki eins og áður

Ertu að fara nota skjáinn í tölvuleiki? Ef svo er myndi ég hiklaust fá mér 144Hz skjá.

144hz all the WAY

er með einn svona http://tolvutek.is/vara/benq-xl4211z-24 ... ar-svartur og ég gæti aldrei hugsað mér að spila tölvuleiki aftur í hægari skjá.

Alright þá er 144Hz staðfest! En stærðinn?

klárlega QHD IPS

np væri sjálfur ekkert lítið til í eitt stk
held að Start hafi misst af góðri framlegð með að segja nei við þig um einhverja þúsundkalla

Eythor skrifaði:np væri sjálfur ekkert lítið til í eitt stk
held að Start hafi misst af góðri framlegð með að segja nei við þig um einhverja þúsundkalla

Hvað ertu að tala um?

Mun ég geta notið þessa staðla með GTX760 korti?

Komdu sæll.

27" Philips 272G5DJEB 1ms @ 144 Hz skjarinn a 76.900 kr er sams konar skjar og felagi minn er með. Það skal tekið fram að eg hef ekki mikið vit a skjaum eða sliku (sjonvörpum, etc) en myndgæðin finnst mer svakaleg, viðbragðstiminn frabær fyrir leikjaspilunina - og auk þess er stærðin a honum einnig nokkuð goð. Þetta er, synist mer, topp skjar fyrir svona þokkalega sanngjarnt verð

tanketom skrifaði:

Eythor skrifaði:np ...,
held að Start hafi misst af góðri framlegð með að segja nei við þig um einhverja þúsundkalla

Eru þa fleiri en eg að lenda i leiðindum með Start, og það sem virðist vera einhver OFURtregða hja þeim við að syna örlitla sanngirni svona við og við?
Hef það sem af er ari verslað við þa fyrir um 1.3 milljonir samanlagt og aldrei ætlast til að fa svo mikð sem eina kronu i afslatt - en þeim hefur heldur aldrei nokkurn timann dottið i hug að gefa mer nokkurn afslatt af fyrra bragði þo svo að eg hafi beint ollum minum viðskiptum þangað til viðbotar þvi að versla allt sem eg hef verið að kaupa og skrufa saman fyrir aðra þar. Ætlaði svo nuna fyrir ekki svo löngu að versla þar 3x 2 TB HDD og spurði þa um leið hvort eg fengi ekki eitthvað slegið af þessu i það skiptið vegna þess hversu mikið eg hef verslað við þa - en svarið var snöggt og einfalt, það var bara ekki inni i myndinni! Hætti snarlega við að kaupa diskana af þeim og mun her eftir ALDREI versla aftur i Start - mer fannst þetta afskaplega leleg framkoma. Ekki það að eg hafi att einhverjar heimtur a afslætti, en viðskiptavitið virðist ekki vera meira en þetta - ef þeir eru svo herfilega niskir að neita mer um afslatt i þetta eina skipti sem eg minnist a það eftir að hafa verslað við þa fyrir tugi og upp i hundruðir þusunda manaðarlega i langan tima, þa segir það mer allt sem eg þarf að vita um þeirra viðskiptahætti og að eg er ekki merkilegur ne mikilvægur viðskiptavinur fyrir þeim

ASUSit skrifaði:...texti um ósanngirni...

Ég ætla að gera ráð fyrir eftirfarandi:

Þú byrjaðir að verzla hjá Start vegna þess að þeir voru með lág listaverð og/eða vegna þess að þú hafðir heyrt vel talað um þá eða þjónustu þeirra.

Ekkert í frásögn þinni bendir til þess að þeir hafi brotið gegn öðru hvoru þessara atriða.
En að sjálfsögðu eru Start ósanngjarnir að gefa þér ekki afslátt.

Í staðin fyrir að kaupa þennan búnað hjá Start eða álíka verslun fyrir 1.3 milljónir, þá hefðirðu geta keypt hann hjá Tölvutek eða Tölvulistanum á 1.8 milljónir. Þegar þú hefðir beðið um afslátt vegna fyrri viðskipta, þá hefðu þeir geta boðið þér 10% afslátt af þessum kaupum, sem hefði „sparað þér“ 4þús kall, skulum ekkert horfa til 500þús kr.- sem þú sparaðir þér með því að leita til búða sem keyra á lágri álagningu.
En að sjálfsögðu eru Start ósanngjarnir að gefa þér ekki afslátt.

Verslanir eins og Start keyra á lágu listaverða sem gerir það að verkum að sveigjanleiki á afslætti er lítill og oft enginn. Harðir diskar sérstaklega eru keyrðir á lágri framlegð, auk þess að vera sá hlutur sem er líklegastur til að bila innan ábyrgðartíma. Honum fylgir því ekki einungis lítill hagnaður við sölu, heldur eru einnig hærri líkur en á öðrum íhlutum að það þurfi að þjónusta hann á ábyrgðartímanum, svo ég minnist nú ekki á leiðindin sem fylgja því þegar viðskiptavinur kemur með bilaðan harðan disk og er brjálaður yfir því að gögnin hans séu líklega farin og það sé nokkurn veginn búðinni að kenna.
En að sjálfsögðu eru Start ósanngjarnir að gefa þér ekki afslátt.

Ég veit ekki hvernig samskipti þín og afgreiðslumannsins voru, að sjálfsögðu er möguleiki að hann hefði mátt vera kurteisari þegar hann svaraði þér og látið þig vita að því miður væri bara enginn sveigjanleiki á þessum diskum. Hafa verður þó einnig í huga að ef þú gefur viðskiptavin einu sinni afslátt, þá gerir hann ráð fyrir því að þú gerir það aftur næst og verður almennt fúll þegar þú gerir það ekki. Þetta á að sama skapi við um þjónustu, ef þú leggur einu sinni lykkju á leið þína til þess að veita viðskiptavin extra góða þjónustu, þá færðu það í bakið ef þú getur ekki gert það aftur næst.

Sjálfur er ég mjög hrifinn af því concepti að verzlanir keyri á lágu listaverði og allir séu jafnir. Mér finnst ekki sanngjarnt að litlir viðskiptavinir séu notaðir til að niðurgreiða verð til stórra viðskiptavina, bara af því þeir stærri hafa meira vægi til að spila með og „kúga“ verzlunina með beinum eða óbeinum hótunum um að færa viðskipti sín annað. Það eru margir sem segja að þeir séu tilbúnir til að borga hærra verð fyrir góða þjónustu, en því miður held ég að fæstir standi við það þegar allt kemur til alls.

Bætt við:
Til að forðast misskilning að þá hef ég ekkert á móti því að fólk spyrji um afslátt. Hins vegar fordæmi ég það að fólk fari í fýlu og hætti viðskiptum við verzlun af ekki meira tilefni en það að hún hafi ekki gefið afslátt.

Núna veit ég ekki hvaða búnað þú ert með en ef þú ætlar dýrt væri sniðugt að horfa á hluti eins og G-sync sem valkost ef þú ætlar að kaupa þér skjá.




En að undirtopicinu

Ég hef verið hluti af "nýju" fyrirtæki síðustu 5 árin þar sem bókhaldið var mjög opið gagnvart starfsmönnum og það opnaði augun mín gangvart hlutum eins og afsláttum , og hvað íslendingar eru alveg sér á báti virðist vera með þetta. Fyrirtæki gera upp árin og þá er oft í smásölu tekið saman hvað var gefið í afslátt yfir árið og upphæðirnar geta verið gígantískar þegar horft er á þær þannig. Mitt álit er að menn þurfa að vera HELVÍTI stórir kúnnar hjá litlu fyrirtæki (3-10 starfsmenn) til að eiga einhvern rétt á afslátt því það eina sem aflslátturinn gerir er að hækka verðið í raun.
En allskonar fólk með hinu minnstu mál eru að biðja um afslátt í ótrúlegustu verslunum. Afslátturinn er nefnilega hættulegur því um leið og þú ert búinn að gefa hann í eitt skipti býst maðurinn um að fá hann næst , sama hversu lítið hann getur verið að versla.

Afsláttar eru ekkert annað en sölutrikk á kúnnan eða allavega i flestum tilvikum, það er ástæða fyrir að flest fyrirtæki geta gefið eða komið með einhverskonar "Tilboð" ástæðan er einföld: Meiri álagning

Klemmi skrifaði:Í staðin fyrir að kaupa þennan búnað hjá Start eða álíka verslun fyrir 1.3 milljónir, þá hefðirðu geta keypt hann hjá Tölvutek eða Tölvulistanum á 1.8 milljónir. Þegar þú hefðir beðið um afslátt vegna fyrri viðskipta, þá hefðu þeir geta boðið þér 10% afslátt af þessum kaupum, sem hefði „sparað þér“ 4þús kall, skulum ekkert horfa til 500þús kr.- sem þú sparaðir þér með því að leita til búða sem keyra á lágri álagningu.

Svona til gamans að þá tók ég örgjava, skjákort og hdd sem TL, TT og Start selja. TL er með sirka 15% hærra verð en Start og TT með sirka 13,5% hærra en Start.

ASUSit skrifaði:eftir að hafa verslað við þa fyrir tugi og upp i hundruðir þusunda manaðarlega i langan tima, þa segir það mer allt sem eg þarf að vita um þeirra viðskiptahætti og að eg er ekki merkilegur ne mikilvægur viðskiptavinur fyrir þeim

Segir það ekki allt sem þarf að vita um viðskiptahætti þeirra að þú verslaðir hjá þeim fyrir hundruðir þúsunda mánaðarlega í langan tíma?

Af þeim 67 ódýrustu verðum á þessari síðu með 8 búðir skráðar eiga start 23 sinnum ódýrasta verðið.

Samtals eiga þeir 28 verð skráð svo það eru alls 5 verð hjá þeim sem eru ekki ódýrust. Verðmunurinn á þeim og ódýrasta í þeim tilfellum?

490 krónur (11990)
40 krónur (10900)
Í hinum þremur tilfellum eru um sérpantanir á misstórum WD RED NAS IntelliPower að ræða svo mögulegt er að verðið sé óuppfært.

Fáránlegt að halda að þeir geti haft slíka verðlagningu og veitt þér afslátt bara fyrir það að græða á þeim.
Þeir gráta sig eflaust í svefn þegar að þú borgar hærri verð fyrir sömu vörur annars staðar.

hkr skrifaði:Svona til gamans að þá tók ég örgjava, skjákort og hdd sem TL, TT og Start selja. TL er með sirka 15% hærra verð en Start og TT með sirka 13,5% hærra en Start.

Þetta var svo áhugaverð könnun að ég gekk lengra með hana og skoðaði alla hluti sem eru skráðir á Vaktina

Start og Tölvulistinn selja í 58 tilfellum "sömu vöruna" (hér er ekki tekinn með framleiðandi í skjákortum og vinnsluminnum), og ef öll verðtilfelli vega jafnt, þá er Tölvulistinn 20,29% dýrara.

Með sömu forsendum selja Start og Tölvutek í 55 tilfellum sömu vöruna og er Tölvutek 19,55% dýrari.

Ef við gefum okkur að þetta gefi góða sýn yfir allt vöruúrvalið, að þá voru þessar 500þús krónur sem ég áætlaði í mismun talsvert ofauknar, erum að tala um ~250þús krónur í staðin. 4þús blikna þó enn í samanburði við það

Ef við gefum okkur enn frekar að álagning hjá ódýrari búðunum sé í kringum 20% (sem eftir minni beztu vitund er frekar nærri lagi), að þá má sjá að TL og TTek smyrja um tvöfalt meira á vörurnar, gefið að innkaupsverð séu þau sömu, sem er þó kannski ekki raunhæft, þar sem þessar verzlanir kaupa inn í miklu meira magni og ná því bæði hagræðingu í samningum við birgja, sem og kostnaði við flutning.