Costco sagði dekkin ónýt og að ég þyrfti hjólastillingu, rétt eða rangt?

[GuðjónR]

Sælir félagar

Ég fór í Costco um helgina og lét setja ný Alpine 7 í stað eldri Alpine 6 sem voru undir bílnum. Þegar ég pantaði dekkin merkti ég sérstaklega við að ég ætlaði að eiga gömlu dekkin, þar sem ég vil nota þau sem sumardekk. Það er enn um fimm millimetra mynstur eftir og þau eru því fullnýtanleg að mínu mati.

Þegar bíllinn var tilbúinn sá ég að gömlu dekkin voru ekki í skottinu. Ég spurði því starfsmaðurinn sem hafði unnið verkið hvar dekkin væru. Hann svaraði að ég fengi þau ekki því þau væru handónýt og ónothæf. Mér fannst það skrýtið og bað hann um að sækja dekkin samt. Hann gerði það með semingi og kom svo með þau til baka.

Hann benti mér þá hróðugur á mynstrið á hliðunum og sagði að dekkin væru illa farin og að ég þyrfti að fara með bílinn í hjólastillingu. Persónulega finnst mér dekkin bara í alveg þolanlegu ástandi miðað við að þau hafa verið keyrð um fimmtíu þúsund kílómetra. Bíllinn fór í hjólastillingu fyrir tveimur árum og hann dregur hvorki til hægri né vinstri. Ég fæ sterklega á tilfinninguna að starfsmaðurinn hafi einfaldlega ætlað að hirða dekkin sjálfur eða láta þau í endurvinnslu án þess að láta mig vita.

Hvað finnst ykkur. Eru þessi dekk virkilega ónýt eða er þetta bara bull. Og byggt á sliti á hliðum þarf bíllinn þá hjólastillingu. Það fylgja þrjár myndir af hverju dekki en aðeins þrjú eru til þar sem það fjórða skemmdist fyrir mánuði síðan þegar ekið var á járnhlut.

Ég setti myndirnar inn í chatgtp og bað álits. Þar kom eftirfarandi mat:

Öll þrjú dekkin eru nothæf og ekki ónýt. Mynstrið er á bilinu um fjögur til fimm millimetra og slit er jafnt yfir miðju sem bendir til rétts loftþrýstings. Slit á brúnunum er eðlilegt miðað við notkun og reglulegar beygjur og hefur ekkert að gera með að dæma dekkin hættuleg eða ónothæf. Það sést enginn vír, engar hættulegar sprungur og engar bungur. Dekkin eru lögleg og í lagi áfram, sérstaklega sem sumardekk.

Fullyrðing um að þau séu ónýt stenst ekki. Að segja að það þurfi hjólastillingu strax út frá þessu sé líklegra sölutal en faglegt mat. Hjólastilling gæti verið tímabær síðar en hefur ekkert með nothæfi dekkjanna að gera.

Þannig að ég sé enga ástæðu til að henda þessum dekkjum.

Hvað finnst ykkur?

[littli-Jake]

Þetta er bara þvæla

[Henjo]

Ef þessi maður fengi að ráða ætti að hjólastilla 90% bílum á landinu og sömuleiðis henda dekkjunum af þeim öllum.

Ekkert að dekkjunum.

[brain]

nota mest slitnu dekkin ( 1,2) að aftan

[Henjo]

Til samanburða þá var ég að svissa fram og aftur dekkjum um daginn hjá mér. Jújú, vissulega er þetta slitið. En hvað, á ég að henda dekkjunum því það sést smá á munstrinu? semsagt parturinn sem á að slitna með tímanum? Jú ég þyrfti að hjólastilla, geri það kannski eftir 2-3 ár þegar ég kaupi ný dekk.

Ég yrði brjálaður ef ég fengi þessa sömu ráðleggingu og þú að farga bara dekkjunum. "handónýt og ónothæf" þvílíkt bull, soundar akkúrat eins og hann ætlaði bara hirða þau sjálfur.

[MrIce]

djöfulsins rugl. ekkert að þessum dekkjum, normal slit sýnist mér í fljótu bragði.

[Frussi]

Hann hefur bara ætlað að hirða þau sjálfur

[GuðjónR]

Já ég hef nákvæmlega þessa tilfinningu. Ég var búinn að haka skýrt við að ég ætlaði að eiga dekkin og samt voru þau ekki í skottinu þegar ég sótti bílinn. Það var alveg augljóst að það var verið að reyna að ýta mér í þá átt að gefa þau eftir. Starfsmaðurinn sem ég talaði við var Indverji og hann var ótrúlega ákveðinn í því að telja mér trú um að dekkin væru ónýt og að bíllinn þyrfti hjólastillingu. Hann sagðist meira að segja vera mechanic til að gefa orðum sínum meiri trúverðugleika.

Mér fannst þetta samt engan veginn sannfærandi og rökstuðningurinn hjá honum var nánast enginn. Þetta var meira svona tilfinning sem maður fær þegar einhver er að búa til vandamál sem er ekki til staðar til að réttlæta eitthvað. Fannst eiginlega eins og ég væri kominn í sölusamtal sem ég bað ekki um. Þetta var pínu sama orkan og þegar Indverjar hringja og segjast vera frá Microsoft og ætla að laga tölvuna þína ef þú gefur þeim remote access. Mikið tal, lítil rök.

Ég er mjög nálægt því að senda Costco kvörtun út af þessu. Þetta eru ekki vinnubrögð sem maður vill sjá og örugglega fullt af grandalausu fólki að lenda í þessu, enda ekkert annað en svik og þjófnaður eða að minnsta kosti tilraun til þess.

[Ghost]

Ég myndi persónulega nota þessi dekk í nokkur ár í viðbót. Hann hefur ætlað að selja þetta bara sjálfur

[blah12]

Þau eru smá kantslitin, ekkert að þessu.

[Minuz1]

Farðu með dekkin á annað verkstæði og fáðu álit hjá þeim, það gæti verið að þessi dekk myndu teljast of gömul, þau eru aðeins byrjuð að grotna niður (sprungur í gúmmíi)
Og ég geri ráð fyrir að þú sért að keyra hratt í hringtorgum, þess vegna eru hliðarnar svona tættar.

En ég get ekki fullyrt neitt um þetta, talaðu við fagmann í dekkjum.

[audiophile]

Ég er enginn sérfræðingur en það virðist vera allt í lagi með þessi dekk.

[Tóti]

1 til 2 ár í viðbót sem sumardekk og held að þetta sé ennþá í gildi.
https://www.max1.is/is/dekk/sumardekk-t ... ypt-dekkja

[T.Gumm]

ekkert að þessu, hann hefur eflaust ætlað nota þau sjálfur

[Tóti]

Svo annað skoða kaup á dekkjum og varahlutum hjá https://www.fastparts.is/

[falcon1]

Fáðu annað álit hjá fagmanni og ef hann segir að þetta sé bull og vitleysa þá myndi ég senda inn kvörtun. Það þarf að vara við svona svindlurum og ekki leyfa þeim að komast upp með svindl!
Það eru örugglega margir eins og ég sem hafa lítið vit á dekkjamálum og setja traust sitt á mat fagmanna, það er því vont að vita til þess að einhverjir óprúttnir aðilar séu komnir í þennan geira og virðast vera að reyna að svindla á fólki.

[GuðjónR]

Ég tel að kantarnir séu ekkert óeðlilega slitir miðað við notkun. Hjólbarðarnir voru settir undir fyrir 3 árum og hafa farið 37.000 km. Bíllinn var hjólastilltur á sama tíma.

Ég keyri daglega í gegnum mörg hringtorg sem hefur áhrif á slitmynstrið. Til dæmis eru 14 hringtorg á stystu leiðinni í Bónus og 22 ef farið er í Bauhaus. Það útskýrir þetta slit. Slitið er mest á tveimur hjólbörðum en þau eru ekki ónýt. Þetta eru enn fín sumardekk að mínu mati.

[Jón Ragnar]

Það er ekki að sjá að þessi dekk hafi farið 50.000km


Vetrardekkin sem ég set undir fljótlega eru talsvert verri en þetta haha