slapp - Nýr samfélagsmiðill bara fyrir Ís­lendinga

[Vaski]

Núna er komin nýr samfélagsmiðill sem er bara fyrir íslendinga, hann heitir slapp.

Hvernig líst vökturum á þetta?

Ég er aðeins efins að ég muni nota samfélagsmiðil sem er bara með íslensku efni, en á móti má náttúrulega segja að ég komi inná vaktina daglega þannig að kannski er ég í ruglinu með þessa skoðun mína


sjá frétt;
https://www.visir.is/g/20262844291d/nyr ... islendinga

[Pandemic]

Allt gamalt er nýtt. Er þetta nýja Blendin?

[Njall_L]

Mér þykir framtakið bæði gott og áhugavert.

Hinsvegar þykir mér mjög varhugavert að skrá mig inn með rafrænum skilríkum og þannig tengja mína persónu með órjúfanlegum hætti við samfélagsmiðil. Miðað við að í Appstore komi fram "Engar auglýsingar: Við trúum á hreina upplifun. Það eru engar auglýsingar á Slapp", þá geri ég ráð fyrir að varan hjá þeim sé að safna notendaupplýsingum til að selja áfram eða nýta með öðrum hætti.

Fram að því að það kemur betur fram hver varan er eða hvert buisness módelið er þá sé ég ekki fyrir mér að skrá mig.

Það er þó fínt að taka fram að ef varan er söfnun á persónupplýsingum (eins og Facebook og aðrir meginstraumsmiðlar) þá set ég mig ekkert á móti því, vil bara að það sé mjög opið og uppi á borðum áður en ég skrái mig.

Sjá lýsingu í AppStore

SLAPP-AppStore.png (74.99 KiB) Skoðað 927 sinnum

[Klemmi]

Mig langar bara að allir fari aftur á Hugi.is, hápunktur samfélagsmiðla.
Þurfa þeir ekki bara að skella í instant message ofan á hann og allir sáttir?

[falcon1]

Þetta er einfalt, ég mun aldrei nota miðil þar sem ég verð að nota rafræn skilríki til að fá aðgang.

[rapport]

Ég skil pælinguna en treysti ekki útfærlsunni

[ABss]

Mögulega flott dæmi, vert að skoða þetta.

[Dúlli]

Uff nei takk, maður eyðir nægilega miklum tíma á öðrum miðlum og hvað þá að bæta einu í viðbót.

[gRIMwORLD]

Samkvæmt persónuverndarstefnunni þeirra þá safna þeir öllum upplýsingum og samtölum, þar á meðal einkaskilaboðum og gætu deilt þeim með hýsingaraðilum til að vinna fyrir þá (bundnir trúnaði)

Þetta er kannski ekki orðað nákvæmlega svona en í lagalegum skilningi þá er ekkert sem hindrar slíkt miðað við stefnuna þeirra.

Þannig að nei takk