Síða 16 af 19

Re: Jarðskjálftar...

Sent: Mið 07. Apr 2021 01:16
af jonfr1900
Vefmyndavél Morgunblaðsins er að fara undir hraun frá nýrri sprungu sem fór að gjósa á miðnætti.

Gosið í Geld­inga­döl­um í beinni

Re: Jarðskjálftar...

Sent: Mið 07. Apr 2021 01:29
af falcon1
Þeir eru allavega að fá "hot" myndefni. :D

Re: Jarðskjálftar...

Sent: Mið 07. Apr 2021 01:49
af jonfr1900
Sýnist að nýja gossprungan muni opnast alveg þar sem vefmyndavél Morgunblaðsins er staðsett eftir smá tíma. Þessari vefmyndavél verður ekki bjargað.

Re: Jarðskjálftar...

Sent: Mið 07. Apr 2021 01:53
af falcon1
jonfr1900 skrifaði:Sýnist að nýja gossprungan muni opnast alveg þar sem vefmyndavél Morgunblaðsins er staðsett eftir smá tíma. Þessari vefmyndavél verður ekki bjargað.

Hún fórnar sér fyrir stórkostlegt myndefni. :D

Re: Jarðskjálftar...

Sent: Mið 07. Apr 2021 01:59
af jonfr1900
Ég er farinn að sjá fyrstu gígana opnast í brekkunni. Þetta er aðeins utar en ég reiknaði með en myndavélin er samt farin undir hraun.

Re: Jarðskjálftar...

Sent: Mið 07. Apr 2021 03:33
af jonfr1900
Sýnist að vefmyndavél Morgunblaðsins sé um það bil að fara undir hraun klukkan 03:33 (eða í kringum það).

Re: Jarðskjálftar...

Sent: Mið 07. Apr 2021 09:33
af gnarr
Það flæddi yfir þessa klukkan 8:19:35 í morgun https://www.youtube.com/watch?v=I1I-0PUhFmU

Re: Jarðskjálftar...

Sent: Mið 07. Apr 2021 09:36
af gnarr
Hérna sjáum við líka myndavél MBL á staur, niðri í hægra horninu, fara undir hraun.

Mynd

Re: Jarðskjálftar...

Sent: Mið 07. Apr 2021 11:21
af hreinnbeck
gnarr skrifaði:Hérna sjáum við líka myndavél MBL á staur, niðri í hægra horninu, fara undir hraun.


Nei, þetta er rammi úr vélinni sem datt út. Staurinn er frá VÍ að mig minnir, þeir voru líka með mælitæki fyrir utan þennan ramma til vinstri sem væntanlega duttu út strax þegar hraunrennslið fór niður í Geldingardal.

Re: Jarðskjálftar...

Sent: Mið 07. Apr 2021 15:23
af jonfr1900
Mælitæki frá Veðurstofunni eru í stórhættu að fara undir hraun og í hádegisfréttum þá á að reyna að bjarga þeim tækjum. Ætli það verði einnig reynt að bjarga vefmyndavél Morgunblaðsins á sama tíma. Ég er einnig að sjá mikla færslu á GPS stöð frá Háskóla Íslands sem er austan við þetta svæði og það eykur grunsemdir mínar að þetta smágos sem þarna hefur verið sé að fara að breytast í stórgos.

Hérna eru gögnin og GPS stöðin heitir MERC

Re: Jarðskjálftar...

Sent: Mið 07. Apr 2021 15:48
af zetor
jonfr1900 skrifaði:Mælitæki frá Veðurstofunni eru í stórhættu að fara undir hraun og í hádegisfréttum þá á að reyna að bjarga þeim tækjum. Ætli það verði einnig reynt að bjarga vefmyndavél Morgunblaðsins á sama tíma. Ég er einnig að sjá mikla færslu á GPS stöð frá Háskóla Íslands sem er austan við þetta svæði og það eykur grunsemdir mínar að þetta smágos sem þarna hefur verið sé að fara að breytast í stórgos.

Hérna eru gögnin og GPS stöðin heitir MERC


já þetta eru töluverðar færslur þarna á þessum blett, spruning hvort FAFC fari að færast líka.

Voru ekki að sjást nýjar sprungur norðan af nyrstu gosgýgunum?

Re: Jarðskjálftar...

Sent: Mið 07. Apr 2021 16:29
af jonfr1900
Það var í hádegisfréttunum á Rúv að nýjar sprungur voru farnar að sjást af nýjasta og nyrsta gígnum. Það er smá þensla að sjá á GPS stöðinni LISK sem er talsvert langt í burtu. Þetta er mjög áhugaverð staða og það er hugsanlegt að fleiri eldgos opnist næstu klukkutíma eða næstu daga. Þetta svæði er orðið mjög óstöðugt og magn hrauns sem er að koma upp virðist vera stöðugt að aukast.

Það var einnig talað um að þetta væri kvikuhólf sem væri búð að safna í sig í 800 ár. Ég tel reyndar líklegra að þetta sé kvikuhólf sem er búið að safna í sig í kviku í 6000+ ár og það sem er búið að gjósa núna er örugglega mjög lítið magn sem er þarna djúpt undir í þessu kvikuhólfi.

Re: Jarðskjálftar...

Sent: Mið 07. Apr 2021 16:38
af Mencius
jonfr1900 skrifaði:Það var í hádegisfréttunum á Rúv að nýjar sprungur voru farnar að sjást af nýjasta og nyrsta gígnum. Það er smá þensla að sjá á GPS stöðinni LISK sem er talsvert langt í burtu. Þetta er mjög áhugaverð staða og það er hugsanlegt að fleiri eldgos opnist næstu klukkutíma eða næstu daga. Þetta svæði er orðið mjög óstöðugt og magn hrauns sem er að koma upp virðist vera stöðugt að aukast.

Það var einnig talað um að þetta væri kvikuhólf sem væri búð að safna í sig í 800 ár. Ég tel reyndar líklegra að þetta sé kvikuhólf sem er búið að safna í sig í kviku í 6000+ ár og það sem er búið að gjósa núna er örugglega mjög lítið magn sem er þarna djúpt undir í þessu kvikuhólfi.


Er þessi kvika sem er að koma upp núna ekki úr kvikuhólfinu sem var að þenjast í skjálftunum sem voru í gangi fyrir gos?

Re: Jarðskjálftar...

Sent: Mið 07. Apr 2021 16:52
af jonfr1900
Mencius skrifaði:
jonfr1900 skrifaði:Það var í hádegisfréttunum á Rúv að nýjar sprungur voru farnar að sjást af nýjasta og nyrsta gígnum. Það er smá þensla að sjá á GPS stöðinni LISK sem er talsvert langt í burtu. Þetta er mjög áhugaverð staða og það er hugsanlegt að fleiri eldgos opnist næstu klukkutíma eða næstu daga. Þetta svæði er orðið mjög óstöðugt og magn hrauns sem er að koma upp virðist vera stöðugt að aukast.

Það var einnig talað um að þetta væri kvikuhólf sem væri búð að safna í sig í 800 ár. Ég tel reyndar líklegra að þetta sé kvikuhólf sem er búið að safna í sig í kviku í 6000+ ár og það sem er búið að gjósa núna er örugglega mjög lítið magn sem er þarna djúpt undir í þessu kvikuhólfi.


Er þessi kvika sem er að koma upp núna ekki úr kvikuhólfinu sem var að þenjast í skjálftunum sem voru í gangi fyrir gos?


Samkvæmt því sem sérfræðingar segja þá er þetta allt saman sama kvikuhólfið sem er núna að gjósa úr. Það sem gæti verið að gerast núna er að kvikan er að stækka gosrásina og það leyfir meiri kviku að koma upp af miklu dýpi.

Re: Jarðskjálftar...

Sent: Mið 07. Apr 2021 18:39
af jonfr1900
Vefmyndavél Morgunblaðsins er komin undir hraun

Vef­mynda­vél­in kom­in und­ir hraun (mbl.is)

Re: Jarðskjálftar...

Sent: Mið 07. Apr 2021 21:38
af Uncredible
sprungur.png
sprungur.png (2.92 MiB) Skoðað 2903 sinnum



eldfjall.png
eldfjall.png (490.09 KiB) Skoðað 2903 sinnum



Set þetta bara hérna inn ef einhver fróðari getur upplýst um afhverju þetta er allt eiginlega í línu. Efri myndin er bara einhvað sem ég tók úr Google Earth og neðri myndin birtist í Kastljósinu og þá fannst mér allir topparnir vera í línu með sprungunni sem hefur myndast.

Væntanlega hefur Ísland færst í tímanna rás en það sem er fyrir neðan er á sínum stað. Gætum við verið að fara sjá einhvað svipaðri stærðagráðu?

Re: Jarðskjálftar...

Sent: Mið 07. Apr 2021 23:26
af mjolkurdreytill
Mynd

Þú getur séð á þessari mynd hvernig flekaskilin koma niður á Reykjanesskagann og beygja svo.

Sprungurnar eru samsíða flekaskilunum (fyrir beygju) og eldstöðvakerfin þarna taka mið af því.

Flestöll gosbelti í nútíma á Íslandi eru í þessari NA-SV stefnu og flekaskilin sjálf eru aldrei bundin við nákvæmlega eina sprungu heldur meira belti af sprungum á sama svæði í sömu stefnu.

Þetta verður samt örlítið flóknara á Reykjanesskaganum vegna sveigjunnar á flekaskilunum sjálfum. Kallast þverbrotabelti eða gliðnunarbelti.

Re: Jarðskjálftar...

Sent: Fim 08. Apr 2021 18:07
af jonfr1900
Eldgosið í Fagradalsfjalli er ekki að fara eftir hugmyndum og tilgátum jarðfræðinga um eldgos á Íslandi. Þetta reyndar kemur mér lítið á óvart þar sem jarðsaga Íslands hefur verið einfölduð gífurlega og margir þættir sem hérna eru á ferðinni einfaldlega hunsaðir.

Ég skrifaði þetta 17. Mars en setti ekki inn hérna þar sem ég þorði því ekki (það er lærdómur af því).

"Annars er nýr kafli að fara að byrja í kviku og jarðskjálftavirkninni við Fagradalsfjall og Keili. Þetta er ekki að þróast eins og ég reiknaði með enda hef ég verið að nota þær upplýsingar sem íslenskir jarðfræðingar hafa og þær virðast vera úreltar sumar og eitthvað af þeim er mjög líklega rangt og byggt og röngum hugmyndum stöðu mála miðað við það sem ég er að sjá. Leiðrétting á þessu mun taka 30+ ár í samræmi við Planck's principle tel ég að verði raunin.

A new scientific truth does not triumph by convincing its opponents and making them see the light, but rather because its opponents eventually die and a new generation grows up that is familiar with it. . . . An important scientific innovation rarely makes its way by gradually winning over and converting its opponents: it rarely happens that Saul becomes Paul. What does happen is that its opponents gradually die out, and that the growing generation is familiarized with the ideas from the beginning: another instance of the fact that the future lies with the youth.
— Max Planck, Scientific autobiography, 1950, p. 33, 97


Informally, this is often paraphrased as "Science progresses one funeral at a time".


Þær fáu heimildir sem til eru um eldgosin frá árinu 900 (?) til ársins 1400 (?) gefa mikilvæga vísbendingu um það sem er að fara að gerast. Ég á ekki von á því að það sé að fara að gjósa í fleiri eldstöðum eins og er. Það sem ég reikna með núna er að það eldgos sem stutt er í að hefjist verði talsvert stærra en gert er ráð fyrir og talað hefur verið um í fjölmiðlum. Þar sem það virðist sem að kvikuhólfið sem er að fæða þetta innstreymi kviku sé talsvert stórt og sé bara að byrja eftir að hafa ekkert gert í meira en 12.000 ár.

„Jörðin skalf öll og pipraði af ótta“ (Kjarninn 29 Janúar 2020)

Samkvæmt þessari hérna frétt frá árinu 2018 þá er talið að eldgos hafi orðið við Eldeyjarboða árið 1970.

Reykjanesskagi „kominn á tíma“ og búast má við eldgosi hvenær sem er (Vísir.is)"

Síðan er hérna frétt hjá Morgunblaðinu þar sem vitnað er í Páll Ein­ars­son.

„Þetta verður bara flókn­ara og flókn­ara“ (Morgunblaðið)

Næsti kafli í þessu eldgosi er væntanlega stórgos á Reykjanesinu. Þau eru sjaldgæf en gerast og núna tel ég að það sé komið að einu slíku eftir langt hlé. Ég get auðvitað ekki sagt til um það hvenær slíkt gerist og það er alltaf hætta á því að ég hafi rangt fyrir mér. Ég reikna samt ekki með því.

Re: Jarðskjálftar...

Sent: Fim 08. Apr 2021 18:21
af rapport
Átti þetta ekki að vera Kjalarnes þarna í lokin?

:guy

Re: Jarðskjálftar...

Sent: Fim 08. Apr 2021 19:12
af jonfr1900
rapport skrifaði:Átti þetta ekki að vera Kjalarnes þarna í lokin?

:guy


Ef það fer að gjósa í megineldstöðinni Reykjanes þá er hættan á kvikugangi þaðan til Kjalarnes. Svo lengi sem það fer ekki að gjósa við eða út í sjó við Reykjanestá. Það gæti farið að gjósa þar á næstu 1 til 10 árum sýnist mér en það er erfitt að segja til um það núna vegna þess að lítið er um jarðskjálfta á því svæði eins og er.

Re: Jarðskjálftar...

Sent: Fim 08. Apr 2021 19:51
af mjolkurdreytill
Það er alveg ljóst að það er út í hött að skipuleggja flugvöll á Kjalarnesi miðað við þessa mynd.

:fly

Re: Jarðskjálftar...

Sent: Fim 08. Apr 2021 20:12
af mjolkurdreytill
jonfr1900 skrifaði:Eldgosið í Fagradalsfjalli er ekki að fara eftir hugmyndum og tilgátum jarðfræðinga um eldgos á Íslandi. Þetta reyndar kemur mér lítið á óvart þar sem jarðsaga Íslands hefur verið einfölduð gífurlega og margir þættir sem hérna eru á ferðinni einfaldlega hunsaðir.


Hvað er það nákvæmlega sem þú vilt meina að sé rangt og af hverju?

Re: Jarðskjálftar...

Sent: Fim 08. Apr 2021 20:34
af Mossi__
mjolkurdreytill skrifaði:Það er alveg ljóst að það er út í hött að skipuleggja flugvöll á Kjalarnesi miðað við þessa mynd.

:fly


Ég sé Kjalarnes bara sem fórnarkostnað.

Re: Jarðskjálftar...

Sent: Fim 08. Apr 2021 20:37
af jonfr1900
mjolkurdreytill skrifaði:
jonfr1900 skrifaði:Eldgosið í Fagradalsfjalli er ekki að fara eftir hugmyndum og tilgátum jarðfræðinga um eldgos á Íslandi. Þetta reyndar kemur mér lítið á óvart þar sem jarðsaga Íslands hefur verið einfölduð gífurlega og margir þættir sem hérna eru á ferðinni einfaldlega hunsaðir.


Hvað er það nákvæmlega sem þú vilt meina að sé rangt og af hverju?


Sem dæmi þá hefur lengi verið litið á sem að lítil eldgos geti ekki átt sér stað. Eitt slíkt gerðist í Júlí 2011 þegar smágos varð í Kötlu og það olli flóði sem tók af brúna við Múlakvísl (frétt frá árinu 2011). Ég held að það sé ennþá verið að þræta fyrir að þarna hafi orðið smágos í Kötlu. Ég skrifaði í greinum á þessum tíma að ég teldi að þarna væri um eldgos að ræða (en enginn var sammála mér með þær hugmyndir). Hérna er grein í pdf um smágosið sem varð í eldstöðinni Hamarinn í Júlí 2011 og varði í 6 til 8 klukkutíma.

Það er ein frétt um þetta frá árinu 2016 sem ég finn. Frétt Vísir.is, Vísindamenn "misstu“ af nýlegum eldgosum (2016).

Núna er hinsvegar sú staða uppi að mínu álitið að smágosið á Reykjanesi er að fara að breytast í stórgos og það mun væntanlega gerast án mikils fyrirvara. Það verða hinsvegar jarðskjálftar vegna þess að kvikugangurinn mun væntanlega stækka frá því sem er núna með tilheyrandi tilfærslum og spennubreytingum í jarðskorpunni.

Re: Jarðskjálftar...

Sent: Fim 08. Apr 2021 21:37
af jonfr1900
Mig grunar að það sé að fara af stað öskjumyndun á þessu svæði, frekar en stórt sprungugos. Væntanlega er stærð svæðisins frá Keili fram til Fagradalsfjalls.

Hérna er fjallað um það hvernig öskjur verða til.