spjallid.is

J1nX skrifaði:smá forvitni í mér herra jonfr1900 , er þetta eitthvað sem þú vinnur við eða bara áhugamál?

Þetta er áhugamál og svona sjálfskapandi vinna í dag. Það er víst lítið um að öryrkjar séu ráðnir í vinnu á Íslandi og ég nennti ekki að gera neitt allan daginn (sérstaklega úti á landi á Íslandi). Ég var orðinn góður í þessu árið 2004 og hélt bara áfram í þessu frá því ári.

Í einum versta stormi sem hefur komið í nokkur ár. Þá hefst jarðskjálftahrina í Fagradalsfjalli.

Suðurstrandavegur fer næst undir hraun, þar sem kvikan er búinn að koma sér þar fyrir og er beint undir.

Jarðskjálftavirknin í morgun.

Það hafa mælst um 200 jarðskjálftar í dag. Það hefur örugglega verið meiri virkni en ekki mælst útaf roki og miklum öldugangi á þessu svæði.

Á annað hundrað skjálfta í dag (mbl.is)

Ég ætla að vara hérna við þessum jarðskjálftum sem liggja frá Bláfjöllum og í áttina að Reykjavík. Þessir jarðskjálftar komu fram í morgun og eru í stefnu sem einkennir gossprungur á Reykjanesinu, frekar en misgengi sem tengjast jarðskjálftavirkni. Stefnur sprungna sem gjósa eru mjög mismunandi og sýnist mér að þetta sé mögulega ein af þeim sprungum. Þetta gæti einnig verið undanfari á stórum jarðskjálfta í Bláfjöllum en hvað gerist verður bara að koma í ljós.

jonfr1900 skrifaði: og eru í stefnu sem einkennir gossprungur á Reykjanesinu,

eru gossprungur á reykjanesinu ekki frá suðvestri í norð austur?
þessi stefna er í norðvestur í suðaustur.

zetor skrifaði:

jonfr1900 skrifaði: og eru í stefnu sem einkennir gossprungur á Reykjanesinu,

eru gossprungur á reykjanesinu ekki frá suðvestri í norð austur?
þessi stefna er í norðvestur í suðaustur.

Það virðist fara eftir því hvaða eldstöð er um að ræða. Ég kann ekki skýringuna á því. Gígaraðir eru í þessa stefna en einnig í stefnuna suður-vestur og norður-austur. Ásamt því að fara í norður-suður, sem er einnig algeng stefna á misgengjum sem tengjast jarðskjálftavirkni. Ég held að það gjósi ekki þarna, allavegna ekki strax en þetta er vísbending um að Brennisteinsfjöll séu hugsanlega að verða virk. Á jarðfræðikorti sem ég er með eru flestir gígar skráðir í stefnuna suður-vestur og austur-norður. Ástæðan fyrir því gæti verið skortur á rannsóknum. Síðan á bara eftir að koma í ljós hversu rétt eða rangt ég hef fyrir mér í þessu. Þar sem það er erfitt að segja til um stöðuna í eldstöð sem hefur ekki gosið í rúmlega 900 ár og nærri því engar heimildir eru til um sem hægt er að nota.

Ég veit af þessari stefnu gígana (norður-suður) þar sem þetta sést á Google Earth. Ásamt þessari venjulegu stefnu sem er suður-vestur og norður-austur. Síðari stefnan er mun algengari á gígum í Brennisteinsfjöllum.

Hvað getið þið sagt mér um Brennisteinsfjöll? (Vísindavefurinn)

Það tók ekki nema rétt um tvö ár fyrir umræðuna að komast á þetta stig hjá sérfræðingum Íslands.

Gangainnskot geti ógnað innviðum (mbl.is)

Innskot kviku gætu ógnað innviðum (Rúv)

jonfr1900 skrifaði:Það tók ekki nema rétt um tvö ár fyrir umræðuna að komast á þetta stig hjá sérfræðingum Íslands.

Gangainnskot geti ógnað innviðum (mbl.is)

Innskot kviku gætu ógnað innviðum (Rúv)

Haraldur Sigurðsson ræddi um þetta fyrir nokkrum árum.

https://www.visir.is/g/20212080816d

Misskilningurinn hér er líklegast sá að "samtal sérfræðinganna" eigi sér stað í gegnum almenna fjölmiðla en ekki í þar til gerðum sérfræðingaritum eða á ráðsttefnum.

https://www.landsnet.is/library/Skrar/u ... 20Copy.pdf

Umræðan er löngu komin á þetta stig. Hinsvegar geta vísindamenn ekki stanslaust verið að garga Úlfur Úlfur fyrir atburði sem munu gerast í framtíðinni þegar tímaskalinn er nokkur hundruð til þúsund ár.

Það væri illa komið fyrir íslensku vísindasamfélagi ef allan afrakstur þess mætti finna á Vísi og MBL.

Þá er komið eitt ár síðan eldgos hófst í Fagradalsfjalli. Það er samt stutt í að næsti kafli hefjist í þessari eldvirkni í eldstöðinni Krýsuvík-Trölladyngja og síðan eldstöðinni Reykjanes (norðan við Grindavík).

Sakna fæstir afmælisbarnsins (Rúv)
Eldgosið „varfærin viðvörun og góð æfing“ (mbl.is)

Eitt ár frá því að jörðin rifnaði við Fagra­dals­fjall (Vísir.is)

Þá er mögulega komið að kafla tvö í eldgosi í Fagradalsfjalli og nágrenni. Jarðskjálftavirknin er aftur farin að aukast og það bendir til þess að þrýstingur kviku á svæðinu sé orðinn mjög mikill. Einfaldlasta leiðin fyrir kvikuna er ennþá upp í Fagradalsfjalli og nágrenni, þar sem jarðskorpan virðist vera með veikleika þar sem leyfir kvikunni að komast þar upp án mikillar mótstöðu.

Það er farið að styttast að eldgos hefjist aftur í Fagradalsfjalli eða í nágrenni þess. Jarðskjálftavirkni fer stöðugt vaxandi á þessu svæði og það þarf ekki stóran jarðskjálfta til þess að koma af stað eldgosi á þessu svæði, þar sem svæðið er nú þegar mjög brotið vegna eldri jarðskjálftavirkni á þessu svæði fyrir fyrsta eldgosið í Fagradalsfjalli. Þetta líklega spurning um vikur núna þangað til að það fer að gjósa en gæti alveg eins verið nokkrir dagar að mínu áliti. Þetta er ekki spurning um mánuði en hvað gerist nákvæmlega verður að koma í ljós.

Svæðið er mjög þanið nú þegar. Það er ekki víst að það þurfi mikið til að eldgos verði þarna og þá kemur ekkert endilega fram þensla áður en eldgos verður.

Það gæti gosið í nágrenni við Fagradalsfjall um páskana en hvort að það gerist verður að koma í ljós.

Það má sjá hérna á GPS mælingum að þenslan hefur haldið áfram að aukast frá Janúar til Apríl 2022 miðað við það sem var og þó var þenslan búinn að vera mjög mikil fyrir. Þessar GPS mælingar ná bara til eldstöðvarinnar Reykjanes og lítið til Krýsuvíkar-Trölladyngju eldstöðvarinnar.

http://brunnur.vedur.is/gps/thorbjorn.html

Jarðskjálftahrinan sem er núna hafin í eldstöðinni Reykjanes (vestan við Grindavík) táknar mjög líklega upphafið af nýju eldgosi á þessu svæði.

Það virðist sem að klukkan 22:40 hafi orðið jarðskjálfti sem bendir sterklega til þess að kvika sé að brjóta sér leið upp þarna og þá muni eldgos hefjast fljótlega. Ég hef ekki neina eldgosasögu á eldstöðinni Reykjanes þannig að ég veit ekki hvernig þetta mun þróast á næstu klukkutímum ef þetta heldur áfram eins og mig grunar að gerist.

Það virðist vera að myndast kvikusilla við Reykjanestá og eitthvað í stefnuna norð-austur til suður-vestur frá miðjunni sem er alveg við Reykjanesstá. Þessi kvikusilla mun virka sem tímabundið kvikuhólf og mun eitthvað safna í sig áður en eldgos hefst á þessu svæði. Hversu langt þetta ferli er komið veit ég ekki alveg en mér sýnist að þetta ferli sé komið mjög langt og því er mjög líklegt að þarna sé mjög stutt í eldgos á þessu svæði.

Jón! Þú verður að gefa okkur einhverjar líkur í prósentum!

dadik skrifaði:Jón! Þú verður að gefa okkur einhverjar líkur í prósentum!

Það er vont að gefa slíkar líkur á þessu svæði. Þar sem ég þekki ekki gossögu þessa svæðis þar sem síðasta eldgos var mjög líklega fyrir um 500 til 900 árum síðan og engar heimildir til um hvað gerðist þegar það var eldgos þarna síðast.

dadik skrifaði:Jón! Þú verður að gefa okkur einhverjar líkur í prósentum!

Er þetta eitthvað fyrir betsson eða álíka veðmálasíður?

Þá held ég að jonfr ætti að græða sjálfur á því.