svanur08 skrifaði:Mannlegt að gera mistök en þetta eru engin smá mistök, ef hefði verið sprautað lofti......
Nú veistu ekkert hvað þú ert að tala um, engu bóluefni er sprautað í æð og þá er alveg sama hvort nokkrum millilítrum af lofti væri sprautað undir húð eða í vöðva, það kæmu væg óþægindi en engin hætta sem stafar frá því. Það er eitt að æla út úr sér vitleysu um tölvur sem maður veit ekki um en við skulum ekki fara bulla varðandi heilsu fólks þegar hræðsla og stress er nú þegar til staðar.
Heilbrigðiskvíði er alvarlegt fyrirbæri sem skal varast að ýta undir, hræðir fólk frá því að sækja sér aðstoð sem hefur leitt til þess að þegar það loks kemur er það orðið of seint.
Nariur skrifaði:Er það öruggt að þetta var notuð sprauta, en ekki sprauta sem gleymdist að fylla?
Viðbrögðin "úps" virðast mun eðlilegri ef það gleymdist bara að fylla sprautuna. Ég myndi halda að hitt fengi MUN alvarlegri viðbrögð.
+1. Nálar sem notaðar eru á Íslandi eru með loki sem sett er á eftir að sprautan er notuð sem er gert til að koma í veg fyrir stunguóhöpp, slík lok eru aldrei tekin af (eiga allavega ekki) eftir að þau hafi verið sett á. Sérð bleika "cappið" á myndinni, glæra lokið tekið af þegar á að sprauta og bleika sett á eftir að búið er að sprauta:
Varðandi tilkynningu er ekkert að því að tilkynna til landlæknis. Tilkynningin verður til þess að rannsókn fer fram á málinu og umfang rannsóknarinnar er ákvarðað útfrá alvarleika brotsins/kvörtunar. Ef ekkert kemur út úr blóðprufunni hjá unnustu þinni og engir eftirmálar í kjölfar óhappsins, verður farið yfir verkferla á stofnuninni og reynt að bæta úr svo svona mistök gerist ekki aftur. Ómerkilegri atvik hafa verið tilkynnt og gert óþarfa veður úr. Sem heilbrigðisstarfsmaður hvet ég þig til að tilkynna, til yfirmanna stofnunarinnar eða til landlæknis.
Geri fastlega ráð fyrir því að engir eftirmálar verði á þessu fyrir unnustu þína, gangi ykkur allt í haginn.
appel skrifaði:Dæmigert fyrir íslenskt heilbrigðiskerfi, allir víkja sér undan ábyrgð, og engin plön til um hvað eigi að gera þegar þetta komi upp.
T.d. hefði átt að vísa báðum aðilum (fyrsta og seinni notanda sprautunnar) á afvikinn stað til að taka blóðprufur og setja í formlegt ferli.
Rosalega einfalt að skjóta beint á heilbrigðiskerfið vegna þessa tilfellis en þetta er almennt vandamál á Íslandi þar sem fólk er aldrei dregið til saka eða látið bera ábyrgð. Sérð þetta almennt með bankakerfið í kjölfar hrunsins, kennitöluflakk, starfsmannaleigur, ríkisstjórnin og öll hennar vandamál, kosningastjóri í NV kjördæmi segir hlutina alltaf hafa verið gerða svona og neitar að greiða sektina... Þetta er allsstaðar á Íslandi þar sem fólk kemst alltaf upp með að skjótast undir ábyrgð.