spjallid.is

Sælir
Það var þráður fyrir nokkrum árum um sláttuorf, langar til að fá update á hann.
Langar til að kaupa mér bensín sláttuorf ( á Ryobi rafmagns 18v, sem er ekki alveg að duga þegar punturinn er kominn af stað). þarf að fara með svona 8 x 5 ampera rafhlöður í brekkuna.
Er að hugsa um td. þetta ORF TEXAS BC358D vs ORF AL-KO BC330B 32,6CCM - 113758
fjórgengis vs tvígengis á svipaðan pening milli 40k og 50k, en fjórgengis hefur það fram yfir hitt að það er með axlar belti.
Sýnist að ég þurfi í 3x dýrara ef ég fer í fjórgengis hjá td. Byko UMK425 UE

Er Honda orfið hjá byko 3x betra en þessi hjá Húsa ? Er google að svíkja mig og ég er að missa af einhverjum kosta boðum ?
Hafa einhverjir pantað sláttuorf að utan og þá hvaðan ?
Öll hjálp og ráð vel þegin.

Það er líka hægt að fá stærri rafhlöður. Veit að Rafgeymasalan hefur eitthvað verið í svona.

Svo virka allar 18-20V rafhlöður með öðrum tækjum, DeWalt er til dæmis með 15ah rafhlöðu.

Svo bara 10$ breytistykki á milli.

Jú, en aðal vandamálið við Ryoby orfið er að það er ekki nógu öflugt. Ég hugsa að 18v séu of takmarkandi og kanski þess vegna sem öflugri tæki eru gjarnan 36V eða meira.
Og þá er maður kominn í dýrari pakka.

Það er líka dýrt að viðhalda svona bensíndóti

Sleppur við mikinn kostnað með því að hafa þetta rafmagns.

Viktor skrifaði:Það er líka dýrt að viðhalda svona bensíndóti

Sleppur við mikinn kostnað með því að hafa þetta rafmagns.

Hljómar svolítið eins og þú sért að bera saman bensínbíl og rafmagnsorf.

Sláttuvélar eru eins einfaldur búnaður og hugsast getur. Það þarf eiginlega að leggja sig fram um það að skemma þetta til þess að þurfa að gera við þetta.

Þú gefur þessu að drekka, smyrð þetta og skiptir um kerti mögulega. Svaka flókið.

Ég myndi amk alltaf taka fjórgengis, nema þú hafir gaman af hávaða, bláum reyk og að blanda bensín og olíu.

fedora1 skrifaði:Jú, en aðal vandamálið við Ryoby orfið er að það er ekki nógu öflugt. Ég hugsa að 18v séu of takmarkandi og kanski þess vegna sem öflugri tæki eru gjarnan 36V eða meira.
Og þá er maður kominn í dýrari pakka.

Þetta er rétt, ég á 54v dewalt orf og það virkar í hvað sem er en kostar líka slatta. Mér fannst það þess virði vegna þess að ég átti hvort sem er batteríin í það.

Ég er með sláttuvél og orf frá Ego

https://thor.is/product-category/gardur ... o-fjolorf/

Rafhlöðurnar eru 56V

Ég er mjög ánægður með þetta

Hægt að fa rafhlöður í öllum stærðum
Alveg upp í að það sé orðið að bakpoka

Ég á erfitt með að réttlæta að fjárfesta í 150k + fyrir alvöru rafmagns orf, þó það væri þægilegast.

Líklega er fjórgengis rafmagns orf best, bæði upp á hávaða og auðveldara að koma í gang (segir internetið). Einnig verður hægt að henda bensíninu á bílin í lok sumars þar sem það er ekki blandað tvígengis olíu.
Þá er húsasmiðju orfið eina sem ég finn undir 100k.

Ef þú ert að slá einhvern slatta, þá þarftu belti.Gerir verkið mun auðveldara og gefur jafnari slátt, ef þú stillir það vel á þig.

Ég er með ódýrt tvigengis orf úr húsasmiðjunni sem er fjögra ára og er orðið ónýtt eftir litla notkun 3.5 sumur. Ég ætla allavega persónulega að fara næst í snúru eða batterís. Hef margt betra að gera við tímann minn en að fikta í ónýtu orfi yfir sumarið

frr skrifaði:Ef þú ert að slá einhvern slatta, þá þarftu belti.Gerir verkið mun auðveldara og gefur jafnari slátt, ef þú stillir það vel á þig.

Já, það er eiginlega must, þetta er líka í brekku er amk. 2-3 tíma að slá þetta. Ryoby orfið er með belti, en er með grannan vír og ekki alveg að duga í þessum punt/sinu rudda sem er í brekkunni.

Snorrmund skrifaði:Ég er með ódýrt tvigengis orf úr húsasmiðjunni sem er fjögra ára og er orðið ónýtt eftir litla notkun 3.5 sumur. Ég ætla allavega persónulega að fara næst í snúru eða batterís. Hef margt betra að gera við tímann minn en að fikta í ónýtu orfi yfir sumarið

Er með batterísorf til að skera kantinn og nota á hluta af lóðinni, og svo snúru-tengda sláttuvél sem ég nota í allt "slétta svæðið".
Ef ég væri ekki svona nískur á þessi verkfæri væri ég löngu búinn að kaupa nýja sláttuvél, því guðminngóður hvað ég hata að vera með f.kn* snúru.
Á síðastliðnum 5 árum hef ég bara einusinni keyrt yfir hana, en það er töluvert effort sem fer í að halda snúrunni frá.
Því maður er ýmist að passa upp á að snúran verði ekki fyrir, og/eða að sveifla snúrunni frá eftir því hvernig maður snýr, sem þýðir að það er "auðvelt" að beita sér ekki rétt á sláttuvélina sjálfa og maður endar með asnalegar harðsperrur og vöðvabólgu.
Ef að grasbletturinn þinn er passlega stór, ekki fá þér neitt snúrutengt.

Svo er annar vinkill... maður er að sjá verð niður í 15þ per slátt fyrir "stóran garð", og innifalið er að grasið sé tekið og fargað fyrir þig líka, og ég hef nýlega skoðað garð sem var sleginn á þessu verði með aðkeyptri þjónustu og hann leit bara nokkuð vel út.
Ef ég ætti að leggja eitthvað verðmat á minn tíma + kostnað við að endurnýja þessi sláttuverkfæri þá borgar sig að kaupa þjónustuna ef ég finn einhvern í mínum bæjarhluta á þessu verði.

Það er mjög skynsamleg fjárfesting að læra lágmarkið á það hvernig sláttuorf og tvígengismótorar virka. Þetta eru mjög einfaldar græjur sem er ótrúlega einfalt að viðhalda og gera við ef maður sinnir bara réttu viðhaldi. Margir kaupa sér bensínorf, nota það í nokkur sumur og gera ekkert af því sem er nauðsynlegt til að viðhalda græjunni, þrátt fyrir að það sé mjög einfalt. Svo bilar þetta auðvitað og fólk þarf að kaupa sér nýtt orf.

Það sem þarf að hafa í huga:

- Það er kerti í sláttuorfi sem mun þurfa að skipta um á einhverjum tímapunkti. Tekur 2 mínútur að skipta um og kostar 1500 kall úti í búð.

- Sömuleiðis er loftsía sem gæti hugsanlega þurft að skipta um einhverntíman en gæti verið nóg að þrífa hana. Oft hægt að búa til úr einhverjum svampi eða kaupa fyrir lítinn pening frá framleiðandanum

- Með tíð og tíma gætu safnast óhreinindi og vatn í bensíntankinum sem berast síðan í blöndunginn og valda gangtruflunum eða orfið fer ekki í gang. Til að laga það þarf bara að þrífa blöndunginn sem er mjög lítið mál. Þarfnast engra sérstakra verkfæra fyrir utan þetta hefðbundna og tekur kannski 20-30 mínútur ef maður hefur ekki gert það áður. Allar leiðbeiningar á YouTube.

- Eftir því hvernig orf þetta er gæti verið að það þurfi að setja smurefni í hausinn á orfinu, sem er líka mjög einfalt. Kaupir líklega bara ódýra túpu af "lithium grease" á bensínstöð og sprautar á réttann stað.

Annað sem stendur í leiðbeiningunum með sláttuorfi og fólk gerir ekki:

- Þegar maður startar orfinu verður að hafa í huga að það sé gert í samræmi við leiðbeiningarnar með orfinu. Ég held að það sé mjög algengt vandamál að fólk er reyna og reyna að starta með allt opið og fyllir allt af bensíni - sem verður til þess að það verður ekki hægt að koma orfinu í gang. Þrátt fyrir þetta er auðvelt að laga.

- Í tvígengismótor þarf að blanda eldsneytið með tvígengisolíu (fæst fyrir lítið á öllum bensínstöðvum). Ef maður sleppir því þá er mótorinn augljóslega að fara að skemmast.

- Þú átt ekki að geyma bensín í orfinu eða öðrum sambærilegum tækjum yfir veturinn.